Magosto

Que ben empezamos a semana!

 Hoxe no cole celebrouse o noso magosto.

Xa dende primeira hora, e cos nosos amigos do ganchete, algúns coñecidos de anos anteriores e outros coñecendo aos que serán os seus amigos a partir de hoxe para diferentes actividades, comezaron a decorar as súas caixas do magosto.

Días antes xa moitas clases decoraron e prepararon a festa para coñecer un pouco máis esta tradición. Así de fermosa quedou decorada a clase de 3ºA

                                                               Sodes uns artistas!!!

 Barállanse diferentes teorías sobre a orixe etimolóxica do termo galego magosto. As máis populares son as latinas magnus ustus (gran fogo) ou magnum ustum (que destaca o carácter máxico do lume). Antano preparábanse as fogueiras con rachóns de breixo para asar as castañas recollidas no monte.

 Como a nós fáisenos difícil todo este proceso, e sen querer perder esta bonita e antiga festa traemos aos profesionais castañeiros que cada ano nos deleitan co bo produto e nos fan unhas castañas deliciosas.

E a partir daquí a gozar da festa. Hoxe cun día marabilloso e agardando que no próximo ano poidamos gozalo co patio rematado.

As reporteiras gráficas de EDLG deixaron fotos do evento.

Ata o próximo ano!!!!

 

O paleolítico en Galicia.

 Co título "O amencer da humanidade", dende hoxe hai unha nova exposición no noso centro. 

Nela podemos descubrir como foron os primeiros albores da humanidade e meternos de cheo na prehistoria.

Agradecemos á Secretaría Xeral de Política Lingüística (SXPL) que nos ofrecese esta exposición para que toda a comunidade educativa se achegue a esta información.

Dende EDLG pelexamos día a día para que todo a nosa historia estea presente, empezando dende as orixes da humanidade. 

Agardamos que vos guste.

Samaín

 

Ola a todas e todos. 

Por problemas alleos a nós tardamos un pouco en actualizar esta canle. Pero...XA ESTAMOS DE VOLTA!!!

E que mellor volta que a de dar a coñecer o noso samaín.

Cabazas, de todas as formas e decoradas de moitos e fantásticos xeitos apropíaronse do noso cole e do noso patio. Escondidas nos recunchos máis misteriosos buscaron a maneira de estar facendo, un ano máís, do noso Samaín algo inesquecible.

Non podemos poñer todas as fotos pero aí vai unha pequena mostra.

Saborea o galego

 Foi un día emocionante o día 16. Nós sempre defendendo o noso idioma quixemos render unha homenaxe á autora principal deste ano nas Letras Galegas, Luísa Villalta Gómez.

Gran poeta, escritora, defensora do galego, implicada na sociedade e que sentiu sempre unha paixón pola música e en concreto polo violín.

Tivemos o pracer de gozar dunhas pequenas pezas á entrada do noso cole interpretadas maxistralmente por alumnado do Conservatorio de música da Coruña. Como nos gustan estas colaboracións, terémolas en conta para vindeiros anos.

O noso lema deste ano, como moitas e moitos veciños leron nos agasallos que entregamos aos comercios era "Eu saboreo o galego"

Pois nós saboreamos o galego e gozamos escoitando a súa música.

 

Pasaron, como non podía ser dorutro xeito, pola zona de infantil para que o alumnado máis cativo tamén gozase da súa actuación.

Mais ao longa da semana todas as aulas fixeron os seus traballos para Letras Galegas, non podemos poñer fotos de todo o gran traballo que se realizou pero unha pequena e grande mostra  foi a que realizaron as nenas e nenos de 5ºB. Grazas polo traballo.

UN CURSO MÁIS O CEIP RAMÓN DE LA SAGRA QUIXO FACER GRANDE O MÁIS GRANDE QUE TEMOS EN GALICIA, A NOSA CULTURA, LITERATURA E TRADICIÓN.

GRAZAS A TODOS E TODAS POLA VOSA MARABILLOSA COLABORACIÓN E FAGAMOS QUE AS NOSAS LETRAS OCUPEN TODOS OS DÍAS UN SITIO DESTACADO NAS NOSAS VIDAS,

Hoxe agasallamos

 Como ben sabedes estes últimos anos quixemos compartir coa veciñanza o noso Día das Letras Galegas. Levamos uns anos que coa axuda dos comercios da contorna nos achegamos a todas e todos para lembrar esta data tan especial.

Hoxe levamos os regalos deste ano, son saborosos e fixémolo con todo o noso cariño agardamos que sexan do voso gusto. Imos deixar lembranza gráfica para que vexades como se traballa de ben no Ceip Ramón de la Sagra.

Lembrade " Eu saboreo o galego"

E mañá máis sorpresas!!!!

As Nosas Letras no noso cole

 Efectivamente, estamos xa mergullados no mes grande das Nosas Letras.

 Chega o 17 de maio e o cole está preparado para achegar a toda a conunidade educativa a figura de Luísa Villalta, a quen este ano se lle dedica o Día das Letras no 2024.

 Lembrade que o noso lema é: Todos os días son Días das Letras Galegas.

Deixamos unha mostra da exposición que colocamos na entrada e escaleiras do cole.

Nas grellas da entrada poderedes ler algúns dos poemas que Luísa Villalta escribiu.

Polas escaleiras ata o primeiro andar están expostos os carteis da biografía: vida e obra desta autora coas magníficas ilustracións de Carlos Gallego Domínguez https://carlosgallegodominguez.com/ 

colaborador de  http://seminariogalan.org/ no que o noso centro participa.

E non esquecemos que a veciñanza vai ter sorpresa para celebrar o Día das Letras Galegas!

Haberá máis...empeza a Semana Grande!!!