Letras Galegas. A nosa festa.

 Este ano o Día das Letras foi sábado, mais nós non podemos deixar de celebrar como se merece o noso día grande, o venres fixemos festa.

Tivemos unha actuación especial, cunhas cantareiras marabillosas que nos amenizaron a entrada ao cole. 

Grazas, estamos orgullosas das nosas ex-alumnas.

Os días pasan pero o noso compromiso co idioma, coa nosa lingua, coas nosas tradicións deben seguir todo o ano.

 Non esquezamos nunca que unha lingua é parte fundamental da identidade dun pobo, unha lingua é viva mentres nós a empreguemos con orgullo e con dignidade.

Visto en redes.

Somos un pobo coa nosa historia, as nosas tradicións e a nosa lingua.

 

FALADE GALEGO!!

Semana das Letras

  Esta é a semana das nosas LETRAS, aínda que nós seguimos dicindo que todos os días son marabillosos para empregar a nosa fermosa lingua.

Dende EDLG, traballamos todo o curso para difundir o noso, mais esta semana, que levamos preparando dende hai moito tempo é especial.

O traballo vaise vendo e toda persoa que pase polo centro verá en moitos recunchos información sobre o noso día especial.

Este ano as cantareiras e a tradición oral, que tanto fixeron por transmitir e difundir a nosa cultura, son as homenaxeadas.

Como todos os cursos haberá sorpresas pero imos deixando un anaco do noso traballo para que o alumnado e toda a comunidade educativa poida gozar e descubrir cousas interesantes.

 

 

 

Despois de todo o traballo feito hoxe tocou levar os agasallos aos comercios da contorna para que poidan, un ano máis, agasallar á súa clientela.

Grazas a todos os nenos e nenas que participaron neste proxecto e en especial ao grupo de 3ºA que foi o encargado de levar eses paquetes, tan especiais, hoxe polos comercios da contorna.

Seguimos coa nosa semana, aínda hai máis sorpresas.