Magosto no cole.

 

Ola de novo, deixamos hoxe unha nova entrada para que vexades o que pasa polo noso cole.

A semana pasada celebramos o magosto. Unha das nosas tradicións máis fermosas.

Xuntos, do ganchete, decoramos as nosas caixas para facer un magosto responsable e limpo.

O tempo non nos quixo acompañar e tivemos que comer as castañas asadas dentro da aula, aínda así temos que dicir que estaban moi, moi saborosas.

Dixamos un video para que vexades un pequeno

 resumo do que fixemos.

 

Samaín 23

 Ola de novo.

Onte o cole volveu ser un día "terroríficamente divertido" celebramos o noso Samaín. Houbo música de medo, e a estantiga volveu recorrer os corredores do colexio.

 Aquí tedes máis información sobre esta tradición.

https://portaldaspalabras.gal/lexico/mira-que-din/estantiga/

Coma sempre deixámosvos reportaxe gráfica dalgunhas decoracións do colexio no seguinte vídeo

Esperamos que vos guste.

Outubro é outono

 Ola de novo. 

Aínda que estamos de ponte non queremos deixar de compartir con vós a chegada do outono. Tempo de castañas, aínda que este ano parece que o tempo non acompaña para degustar tan delicioso manxar. 

Xa choverá, Xa!

Mirade que marabillas se poden ver polo cole para celebrar a chegada de outubro.

Hai artistas polo centro!!!

Tamén imos poñer as primeiras fotos das nosas grellas que aos poucos se están enchendo de poesías en galego. 

Que fermosura de idioma temos!!!

Volven os nosos encerados comunicativos

 Sabemos que estamos na era dixital. Mais nós dende Edlg queremos que non se perda a esencia da comunicación tradicional, que o alumnado fale, escriba e se comunique sen ter que usar ningunha máquina.

Por todo iso queremos seguir cos nosos encerados comunicativos e este curso imos darlle unha nova misión as nenas e nenos do cole.

Cada mes haberá un eixo que nos indique sobre que temos que escribir. Irémolo poñendo nas grellas da entrada e durante ese mes todas e todos aqueles que queiran poden traer escrito en galego algo relacionado con ese "mandado"

Xa o temos todo preparado. Agora só falta que nos animemos como nos di D. Francisco, o autor das Letras Galegas 2023.

No mes de outubro o noso reto vai ser o seguinte:

Así que esperamos unha gran participación para encher as grellas de moita poesía, copiada ou inventada. Quen sabe se temos un ou unha gran poeta no noso cole e comeza con nós a súa andaina!!

VOLTAMOS!!

 Que rápido pasa o verán, non si? pois xa estamos de volta, cunha pouca de nostalxia polos días que quedan atrás pero con moita ilusión para o novo curso.

O cole está preparado, agarda por ese alumnado que chegará o luns medio durmido e algo nervioso para voltar á rutina de cada ano. 

Agardámosvos! 

Chega o verán

á

No mes de setembro comezabamos con novas ilusións o curso. Empezamos a mandar mensaxes para que o noso idioma se visualizase nada máis entrar. Todos os cursos do cole participaron poñendo a súa mensaxe. 

Rematan os máis cativos, alumnado de 4º de EI, que xa en setembro deixaran de selo. Déixannos mensaxes de felicidade. Non podiamos rematar mellor os nosos encerados comunicativos.

Agardámosvos en setembro con novas ideas e a mesma teima: QUE O GALEGO SE VALORE COMO SE MERECE.

 

D. Francisco segue presente

 Todas e todos os que visitastes o centro estes días observariades que o noso "D. Paco" segue moi presente dándonos consellos para non esquecer o bonito que é o noso idioma. 

Deixámosvos as últimas recomendacións.