Benvidas e benvidos ao novo curso

 Ola, xa estamos aquí de novo. O xoves comezou un novo curso para todos e todas, como todo o novo cheo de esperanzas, inquedanzas e sobre todo moita ilusión. 

Dende EDLG queremos darvos a nosa benvida e animarvos a que sigamos mellorando e aprendendo moitas cousas en galego para que o noso fermoso idioma non se estanque.

Falade galego, pensade en galego, escribide en galego para que a nosa cultura non permaneza no esquecemento.

Ánimo para toda a comunidade educativa e a voar sobre esta nova andaina.

FELIZ VERÁN!!

 Remata o curso coas súas inquedanzas superadas, ou non, coa ilusión de gozar do sol, a praia, a aldea, da familia ou, porque non, só dun día de sofá.

O verán é ledicia, o verán é goce o verán é repoñer pilas para o novo curso.

Para os que marchades ao instituto, sorte, sorte e sorte. 

Para os que aquí quedamos vémonos en setembro!

BO VERÁN!

 FELIZ DESCANSO!

Á VOLTA MÁIS E MELLOR.

Os xoguetes dos meus avós.

 Levamos dous cursos moi estranos con isto da pandemia do COVID-19, pouco a pouco imos recuperando unha nova normalidade na que aínda nos temos que coidar e seguir tomando precaucións para coidarnos e coidar aos demais.

Cada un de nós viviu a súa propia historia e hoxe queremos compartir con vós, xa como case un remate de curso, unha parte da vida dun dos nosos compañeiros Javier Seoane Sánchez. Javi vai emprender unha nova aventura no instituto o próximo curso e temos a seguranza que vai ser fantástica. Temos que agradecer que el e a súa familia nos dean permiso para compartir este video e fotos nos que nos ensina como o seu avó Antonio e  a súa avoa Paquita fan xoguetes con cousiñas da súa casa e totalmente artesanais.

O video e fotos teñen moitos valores a ter en conta: o respecto aos nosos maiores, o agarimo da familia, o recoñecemento ás nosas tradicións e sobre todo pon en relevancia a gran aportación que fan persoas como Antonio e Paquita para que se conserven sempre o noso idioma, as nosas tradicións e a nosa cultura.

GRAZAS SODES FANTÁSTICOS TODA A FAMILIA!!

Aquí deixamos o enlace a un vídeo emotivo e precioso, esperamos que o gocedes e vos guste.

https://youtu.be/LF2OX0CITTo 

QUE FRÍO, FINAL!

 Hoxe rematamos cun pequeno vídeo que resume estas catro semanas onde aprendemos refráns e ditos sobre o frío e novo vocabulario para saber máis palabras no noso fermoso idioma galego, non o esquezades no verán, practicádeo moito en setembro voltaremos con outras novas ideas. 

Mais isto non é unha despedida estade atentos e atentas que neste blog temos unha sorpresa final para vós!!!

QUE FRÍO 4!

 Remata o curso e o noso tema de cole tamén vai entrando na recta final así que hoxe deixamos os últimos refráns sobre o frío. Deixámosvos os de esta semana.

QUE FRÍO 3!

 Seguimos coa nosa actividade relacionada co tema do cole. Aí van os ditos desta semana e as palabras para coñecer vocabulario novo.

Podedes traer os vosos propios para poñer nos nosos encerados da entrada.

Que frío2! Bufandas para o abrigo

 Ola de novo, seguimos coa nosa aportación ao proxecto deste ano mudamos palabras e refráns para que as nosas nenas e os nosos nenos aprendan un pouco máis de vocabulario e dos nosos ditos.

Agardamos que vos gusten!

Pero esta semana temos unha gran sorpresa o alumnado de  4ºA quixo compartir con nós o traballo que estiveron facendo na clase, algo moi interesante e moi laborioso.    Quedou fantástico, noraboa a todas e todos por estE LABOR.

ESTAS SON ALGUNHAS DAS BUFANDAS OU TAPABOCAS QUE FIXERON