Estamos en tempo de transición. O Equipo de Dinamización da Lingua Galega quere desexar desde este foro un feliz ano a todos e todas. Un ano que ansiamos que a nosa lingua e cultura acade o sitio que merece.
No primeiro trimestre deste curso traballáronse moitas cousas, as nosas festas foron eixo principal.
Deixamos aquí unha pequena mostra.
Samaín
Este ano o Día das Letras foi sábado, mais nós non podemos deixar de celebrar como se merece o noso día grande, o venres fixemos festa.
Tivemos unha actuación especial, cunhas cantareiras marabillosas que nos amenizaron a entrada ao cole.
Grazas, estamos orgullosas das nosas ex-alumnas.
Esta é a semana das nosas LETRAS, aínda que nós seguimos dicindo que todos os días son marabillosos para empregar a nosa fermosa lingua.
Dende EDLG, traballamos todo o curso para difundir o noso, mais esta semana, que levamos preparando dende hai moito tempo é especial.
O traballo vaise vendo e toda persoa que pase polo centro verá en moitos recunchos información sobre o noso día especial.
Este ano as cantareiras e a tradición oral, que tanto fixeron por transmitir e difundir a nosa cultura, son as homenaxeadas.
Como todos os cursos haberá sorpresas pero imos deixando un anaco do noso traballo para que o alumnado e toda a comunidade educativa poida gozar e descubrir cousas interesantes.
 |
Estimada Rosalía:
Hoxe que celebramos o teu día queremos escribir o noso sentimento, o noso respecto e a nosa admiración pola gran poeta que fuches e polo gran labor que a túa obra trae para facer da nosa lingua, a túa lingua, unha lingua viva e querida.
Son tempos díficiles para o idioma galego, son tempos de loita para non perder o que representa a nosa identidade. A lingua leva implícito a trasmisión de cultura, de tradicións e de conservación do que nos precede. Por iso, querida Rosalía, botamos en falta máis mulleres que, coma ti, fagan do noso un orgullo e un recoñecemento a toda a nosa Terra.
Temos un longo camiño por andar pero ten por seguro que non imos desistir.
Que ben empezamos a semana!
Hoxe no cole celebrouse o noso magosto.
Xa dende primeira hora, e cos nosos amigos do ganchete, algúns coñecidos de anos anteriores e outros coñecendo aos que serán os seus amigos a partir de hoxe para diferentes actividades, comezaron a decorar as súas caixas do magosto.
Barállanse diferentes teorías sobre a orixe etimolóxica do termo galego magosto. As máis populares son as latinas magnus ustus (gran fogo) ou magnum ustum (que destaca o carácter máxico do lume). Antano preparábanse as fogueiras con rachóns de breixo para asar as castañas recollidas no monte.
Como a nós fáisenos difícil todo este proceso, e sen querer perder esta bonita e antiga festa traemos aos profesionais castañeiros que cada ano nos deleitan co bo produto e nos fan unhas castañas deliciosas.
Co título "O amencer da humanidade", dende hoxe hai unha nova exposición no noso centro.
Nela podemos descubrir como foron os primeiros albores da humanidade e meternos de cheo na prehistoria.
Agradecemos á Secretaría Xeral de Política Lingüística (SXPL) que nos ofrecese esta exposición para que toda a comunidade educativa se achegue a esta información.
Dende EDLG pelexamos día a día para que todo a nosa historia estea presente, empezando dende as orixes da humanidade.
Agardamos que vos guste.
Ola a todas e todos.
Por problemas alleos a nós tardamos un pouco en actualizar esta canle. Pero...XA ESTAMOS DE VOLTA!!!
E que mellor volta que a de dar a coñecer o noso samaín.
Cabazas, de todas as formas e decoradas de moitos e fantásticos xeitos apropíaronse do noso cole e do noso patio. Escondidas nos recunchos máis misteriosos buscaron a maneira de estar facendo, un ano máís, do noso Samaín algo inesquecible.
Non podemos poñer todas as fotos pero aí vai unha pequena mostra.
Estamos en tempo de transición. O Equipo de Dinamización da Lingua Galega quere desexar desde este foro un feliz ano a todos e todas. Un an...
