Ola a todos e todas, rematou a semana do Samaín desexarvos que pasedes unha boa ponte e agradecer todas esas cabazas tan marabillosas que compartistes para toda a comunidade educativa.
Sodes moi grandes e verdadeiros artistas. Imos deixar unhas imaxes das cabazas iluminadas co gran traballo feito por todos e todas.
Ola, a verdade é que poucas palabras podemos dicir da gran exposición que estamos facendo no cole coa colaboración de todas e todos.
Grazas! Sodes uns artístas magníficos!
Non podemos colocar todas as cabazas así que deixamos unha pequena mostra nas fotos e video que ven a continuación.
Lembrade que mañá a partir das 16:00 horas podedes visitar as obras de arte que están expostas no exterior do colexio.
Hoxe traemos varias novidades.
Os compañeiros e compañeiras de 6º compartiron con nós nos últimos 15 días moitas cousas interesantes nos nosos encerados.
Grazas pola colaboración, fermoso traballo.
Pois así como quen non quere a cousa o outono está enriba de nós.
Xa sabemos que o outono comezou hai un mes pero esta semana chegou de verdade o tempo meteorolóxico, tempo de abrigarse, de facer máis cousiñas na casa. E como o Samaín está á volta da esquina imos alá propoñendo a colaboración de todas e todos para ter as cabazas máis terroríficamente fermosas de toda a contorna para isto enviamos unha nota o venres na que vos explicamos como imos facer este curso para celebrar o noso SAMAÍN
Ola, o curso vai a todo filispín e dende EDLG xa comezamos a facer as nosas cousiñas.
Como primeira aportación fíxose unha plantación de lavanda nun dos poucos espazos verdes que poden gozar os nosos alumnos e alumnas. Agora a esperar a que medre e despois experimentar o seu recendo tan fermoso. Un espazo para coidar e manter entre todos.
Velaí van unhas fotos para que todas e todos saibades onde están.
Despois dunha semana de exposición salientamos o éxito desta, con visitas polas tardes e traballo nas aulas. O alunmnado gozou da informa...
